Calamba City, Laguna - Dalawang (2) Park Rangers ng Masungi Georeserve Foundation ang nabaril habang nagsasagawa ng patrolling activities, sa bahagi ng Upper Marikina River Basin Protected Landscape (UMRBPL) nitong nakaraang ika-24 ng Hulyo, 2021. Kaugnay nito, mariing kinukundina ng Department of Environment and Natural Resources (DENR) CALABARZON ang karumaldumal na aksyon na ito na nagpapakita ng pagiging duwag ng mga suspect. Kinikilala ng ahensiya ang pagpapahalaga ng pribadong sektor, NGOs, at iba pang mga katuwang sa pangangalaga sa kalikasan, bagaman nalalagay sa panganib ang mga ito. Patuloy na nakikipag ugnayan and DENR CALABARZON at PENRO Rizal sa PNP at 80th IB ng PA-AFP, upang matukoy ang suspek sa barilan at para sa patuloy ang pagpapaigting ng monitoring at patrolling activities sa loob ng UMRBPL. Hinihikayat din ang pribadong sektor na nais na maging DENR deputized environmental officers na sumailalim sa proseso ng deputation.

Ayon sa Global Witness Report noong 2019, ang Pilipinas ay ikalawa sa pinaka delikadong lugar para sa mga environmental defenders. Kaya naman nananawagan ang ahensiya na maipasa na bilang batas ang Environmental Protection and Enforcement Bureau (EPEB) Bill. Sa pamamagitan ng EPEB ay mapapalakas ng husto ang mandato ng Enforcement sa ahensiya at masisisgurado na ang environmental protection ay maisasagawa nang hindi nakokompromiso ang kaligtasan ng ating mga bantay gubat at iba pang environmental officers. Sa kasalukuyan, ang EPEB Bill ay naisampa na sa kongreso na may apat (4)  principal at 13 co-sponsors sa House of Representatives at dalawang (2) main sponsors sa senado.

Sa kasalukuyan ay nakapag isyu na ng 80 Show Cause Orders  at 43 Cease and Desist Orders sa mga ilegal na imprastraktura sa loob ng nasabing Protected Area (PA) DENR CALABARZON. Ang mga ilegal na imprastraktura na ito ay mga babuyan, resorts, camp at retreat centers, mga bahayan, at iba pa. Ang mga naisyuhan ng CDO ngayong buwan ng Hulyo, 2021 ay ang mga sumusunod:

Brgy. Calawis, Antipolo City
NO.	LIST OF NAMES	VIOLATION	Remarks
1	Mr. & Mrs. Romeo Cagasan	Piggery	CDO issued
2	Mr. & Mrs. Alberto Malvar	Resort	CDO issued
3	Mrs. Victoria Tavera	Camp and Retreat Center	CDO issued
4	Mr. Ramon Carlos	Retreat House	CDO issued
5	Ms. Vergie Bernante	House constructed along river easement	CDO issued
6	Mr. Crisostomo Diaz	House constructed along river easement	CDO issued
7	Mr. Silverio Doroteo	House constructed along river easement	CDO issued
8	Mr. Yolando Carbaquil	House constructed along river easement	CDO issued
9	Mr. Eddie Zaspa	House constructed along river easement	CDO issued
10	Mr. Simon Carbaquil	House constructed along river easement	CDO issued
11	Ms. Azucena Simon	House constructed along river easement	CDO issued
12	Ms. Charity Juan	House constructed along river easement	CDO issued
13	Ms. Chona Ejada	House constructed along river easement	CDO issued
14	Ms. Mila Garduce	House constructed along river easement	CDO issued
15	Ms. Wellen Francisco	House constructed along river easement	CDO issued
16	Ms. Cornelia Francisco	House constructed along river easement	CDO issued
17	Ms. Roda Carbaquil	House constructed along river easement	CDO issued
18	Ms. Analyn Timbang	House constructed along river easement	CDO issued
19	Ms. Margie Doroteo	House constructed along river easement	CDO issued
20	Ms. Leonora Olog	House constructed along river easement	CDO issued
21	Mr. Delidie Zoni	House constructed along river easement	CDO issued
22	Atty. Lawrence Villanueva	Concrete house with fence	CDO issued
Brgy. San Jose, Antipolo City
23	Mr. Bartolome Oldan Marigondon	House with Swimming pool (private)	CDO issued
24	Engr. Jun Aguilon	Game Fowl Farm with fence	CDO issued
25	Mr. Joseph Marigondon	Game Fowl Farm with fence	CDO issued
26	Mr. James Roderick Bautista	Game Fowl Farm with fence	CDO issued
27	Mr. Elpidio Macalma	Rest House, resort with fence	CDO issued
28	Jessie Zamora	Construction of piggery	CDO issued
29	Dr. Jean Serrano	Structure with fence	CDO issued
30	Mr. Celso Broquesa	Game Fowl Farm with fence	CDO issued
31	Ms. Richel Gutierez	Fencing of Lot	CDO issued
32	Mr. Robie John Juares	Fencing of lot area within NGP	CDO issued
33	Mr. Don Don Distora	Game Fowl Farm with fence	CDO issued
Brgy. Pinugay, Baras, Rizal
34	Mr. Efraim Gonzales	Resort with fence	CDO issued
35	Mr. Renato Nobelo	Resort with fence	CDO issued
36	Mr. Domingo Palicdon	Resort operating privately	CDO issued
37	Mr. Ruperto Salas	Fish pond and goat farm	CDO issued
38	Ms. Cecilia Tuibeo	Resort with fence (Joeylot Resort)	CDO issued
39	Mr. Bimbo Lomio	Resort with fence	CDO issued
40	Mr. Erwin Lomio	Resort with fence	CDO issued
41	Ms. Virginia Mimay	Resort with fence	CDO issued
42	Ms. Hilda Del Rosario	Resort with fence	CDO issued
43	Mr. Arnel Olitoquit	Resort with fence	CDO issued

Pinapaalalahanan ni DENR CALABARZON Regional Executive Director Nilo B. Tamoria na ang pagtatayo ng imprastraktura sa loob ng PA na walang kaukulang permit ay paglabag sa Section 20 ng RA 7586 o NIPAS Act, tulad ng susugan ng RA 11038 o Expanded NIPAS Act. Alinsunod sa Section 21 ng parehong batas, may kaukulang multa ang paglabag nito na nasa isang milyon hanggang 5 milyong piso, at pagkakakulong ng anim (6) na taon hanggang 12 na taon.

Ang mga aktibidad na ito ay nakahanay rin sa inisyatibong Task Force Build Back Better na naisakatuparan ayon sa Executive Order No. 120. Ito ay pinapangunahan ni Honorable DENR Secretary Roy A. Cimatu katulong ng iba’t ibang ahensya sa bansa. Layunin ng inisyatibo na ito ang paigtingin at pagtibayin pa ang mga inisyatibo ng DENR ukol sa rehabilitasyon at recovery efforts para sa mga typhoon hit areas sa buong bansa.

Nanawagan ang DENR CALABARZON, sa pangunguna ni RED Tamoria, sa mahigpit na koordinasyon ng iba’t ibang ahensya ng gobyerno, Non-Government Agencies (NGOs), People’s Organization, Environmental Groups, at komunidad para sa mas mahigpit na pagmamatyag at pagpapatupad ng ating mga batas pangkalikasan lalo na sa loob ng Protected at Watershed Areas.

Ang lahat ay inaanyayahan na maging katuwang para sa pangangalaga ng ating kapaligiran. Maaaring makipag-ugnayan sa pinakamalapit na opisina ng DENR sa inyong lugar para malaman ang proseso sa pagiging isang deputized environmental officer. Para sa may mga sumbong ukol sa ilegal na gawain na may kaugnayan sa kalikasan ay maaaring tumawag o magbigay ng mensahe sa 8888 hotline numero 09561825774/ 09198744369 at Trunkline No. (049) 540-DENR (3367) / (049) 554-9840 - 48 local - 121. Ang mga litrato, bidyo, at iba pang impormasyon ay maaari ring ipadala sa opisyal na Facebook page ng DENR CALABARZON:  https://www.facebook.com/DENR4AOfficial/.  ###