Bilang pakikiisa sa  National Day for Youth in Climate Action, dumalo ang mga Information Officer at Youth Desk Officer  ng mga pampurok at panglalawigang tanggapan ng DENR CALABARZON sa Camp, Hike and Plant 2022 noong ika-10 ng Nobyembre, 2022 sa Lagadlarin Magrove Forest, Brgy. Lagadlarin, Lobo Batangas.

Ibinida na mga  iba;’t ibang kalahok ang kanilang pyesa na may paksa na naglalayon na maipamahagi ang iba’t ibang aksyon patungo sa patuloy na pangagalaga at pagpapayabong ng ating kapaligiran at likas na yaman.

“Times’s Up” ang pamagat na ibinahagi ni Information Officer Michelle Nepomuceno ng DENR Laguna sa nasabing Spoken Word Poetry Contest. Sa nasabing pyesa, nagkaroon ng pagkukumpara sa ating kalikasan noon at sa mga nangyarai ngayon. Nilalayon nito na maipamulat sa kabataan ang kahalagaan ng pangagalaga sa ating kapaligiran at likas na yaman at masaksihan ito ng mga susunod ng salin  lahi.

 

Time’s Up

Isinulat ni: Michelle T. Nepomuceno

Bilang kabataan

Hindi ko maiwasang isipin 

Ang pagkukumpara sa aking kinamulatan 

At hinaharap ngayon 

Mga luntiang bundok na babati sa aking 

Mga mata sa pagbubukas ko ng binta sa umaga 

Ngayo’y patag na 

Ang katubigang tila krystal na kumikinang 

Sa tuwing nasisinagan ng haring araw

Ngayo’y tuyo na 

Ang sariwa at mahalimuyak na hanging hahalik 

Sa aking pisngi na magbibigay kilig 

Ngayo’y naghihikahos na 

Anong nangyayari? 

Tila kay bilis ng mga kaganapan

Bagama’t tayong lahat ay patuloy 

Na umuusad ay parang napag-iiwanan 

Ang kinagisnan nating kapaligiran 

Nakikilala mo pa rin ba? 

Masasabi mo pa rin bang ito ng iyong kinalakihan? 

Nais kong malaman kung saan magsisimula

Nagsisimula na nga ba? 

O may sisimulan pa nga 

Malalakas na hampas ng hangin 

Ang sumusugod sa iilang balwarte ng kagubatan 

Ang sangkahayupan na walang tigil 

Kakatakbo para sa kanilang sarili 

At matinding ulan na lulunod 

Sa progresong hindi angkop sa kalikasan 

Tigilan na nating ang pagtuturo sa isa’t isa 

Kung sino nga ba ang may pasimuno 

Bagama’t masalimuot at mahaba ang ating lalakbayin 

Tingin ko’y mas matagal na tayong 

Inaaruga ng ating inang kalikasan 

Lahat ay kikilos at makikinabang

Walang mapag-iiwanan 

May punla na may dalang pag-asa

Muling sisibol ang bahaghari ng mga bulaklak 

Makikita ang asul na kalangitan 

Hindi malalagot ang agos ng katubigan 

At patuloy na titindig ang mga kabundukan na handang magbigay ng ngiti sa ating mga labi 

At magpoprotekta sa oras ng kalamidad 

Oras na para ating sagipin ang inang kalikasan 

Patuloy nating pangalagaan at payabungin ang Ating mga kinagisnan 

Upang makita rin ng mga susunod na 

Salinlahi ang kagandahan na hindi 

Mababasa at makikita sa papel 

Kung kaya’t 

Huwag sana nating marinig ang salitang 

“Time’s up!” 

Details
Parent Category: News & Events
Category: Photo Releases
Published: 20 December 2022