Bakawan, Itinanim bilang paggunita sa Buwan ng Karagatan (Month of the Ocean)

PAGBILAO, QUEZON – Sa ika-labing anim na pagdiriwang ng Month Of the Ocean (MOO), ang Community Environment and Natural Resources Office (CENRO) Tayabas ay nanguna sa pagtatanim ng mga bakawan noong 13 Mayo 2020 sa Palsabangon Mangrove Swamp Forest Reserve, Ibabang Palsabangon, Pagbilao, Quezon.

Nasa dalawang daan at limampung piraso ng mga pananim na binubuo ng mga species na bakawang babae (𝘙𝘩𝘺𝘻𝘰𝘱𝘰𝘳𝘢 𝘮𝘶𝘤𝘳𝘰𝘯𝘢𝘵𝘢) at bakawang bato (𝘙𝘩𝘺𝘻𝘰𝘱𝘰𝘳𝘢 𝘴𝘵𝘺𝘭𝘰𝘴𝘢) ang naitanim ng mga kinatawan ng CENRO Tayabas, maging na rin ng mga kasamahan nitong nagmula sa Regional Office ng DENR CALABARZON, Ecosystem Research and Development Bureau-Urban and Biodiversity Research, Development and Extension Center (ERDB-UBRDEC) at Mother Earth Ecosystem Society (MEES).

Sa temang “The Science We Need for the Ocean We Want”, para sa taong ito, ang nasabing ahensiya ay nagbigay-diin sa kahalagahan ng mangrove o bakawan sa pamamagitan ng pagsasagawa ng nasabing aktibidad at pagbibigay ng mahahalagang impormasyon tungkol dito.

• Prev
• Next